ქართველმა ჩოგბურთელმა ნიკოლოზ ბასილაშვილმა "ინდიან უელსის" ტურნირის ფინალში ქემერონ ნორისთან წაგების შემდეგ კომენტარი გააკეთა.
"მესამე სეტში თამაში ჩემთვის ძალიან რთული გახდა. ჯანმრთელობის პრობლემები მქონდა. ვეცადე, კორტიდან გავსულიყავი, ცოტა ამომესუნთქა, თუმცა ეს ფიზიკური დისკომფორტი ვერ დავძლიე. წინა მატჩებშიც მაწუხებდა, მაგრამ მესამე სეტში უკვე გაუსაძლისი იყო. არ ვაპირებდი ამის თქმას, მაგრამ თავს მართლა ცუდად ვგრძნობდი.
ქემერონზე მინდა ვთქვა, მენტალურად ძალიან ძლიერი იყო და დაიმსახურა მოგება. განსაკუთრებით, მეორე სეტში, როცა უკუბრეიკი შეასრულა. მეორე სეტში ვერ ვიპოვე გზა, როგორ მომეგო მისთვის. ბექჰენდზე კარგად თამაშობ
და და მის დასაჩაგრად დარტყმებში ძალიან დიდი ენერგიის ჩადება მჭირდებოდა, რაც არ შემეძლო. მაგრამ რაღას ვიზამ, არა უშავს...
ამ კვირის შემდეგ შინ გამოცდილება მიმაქვს. კარგი ჩოგბურთის თამაში შემიძლია, სეტითა და ბრეიკით წინ ვიყავი, ვუგებდი და შემდეგ... არ ვიცი...
გავაგრძელებ შრომას, გავაგრძელებ, რასაც აქამდე ვაკეთებდი. ვეცდები, კარგად ვითამაშო და აქ მიღებული გამოცდილება მომავალ ტურნირებში აუცილებლად გამომადგება", - განაცხადა ნიკოლოზ ბასილაშვილმა.
![alt](/pictures/image50/053afc027a9b2a705feeea5b9b8b267f.jpg ""პრობლემები ვერ დავძლიე" - ბასილაშვილმა წაგება ახსნა")
ბასილაშვილმა კარგად დაწყებული ფინალი ბოლომდე ვერ მიიყვანა და სამწუხარო მარცხი განიცადა [VIDEO]
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
