ტურინში შემაჯამებელი ტურნირის ნახევარფინალური შეხვედრები გაიმართა.
დანილ მედვედევი (რუსეთი) კასპერ რუდს (ნორვეგია) დაუპირისპირდა და 6:4 6:2 დაამარცხა.
1-ელ სეტში დანილმა უპირატესობა მე-3 გეიმში მოიპოვა და დაწინაურდა, მეორე სეტში კი მოქმედმა ჩემპიონმა ბრეიკის შესრულება მე-5 და მე-7 გეიმში მოახერხა და ფინალის საგზურიც გაიფორმა.
მეორე შეხვედრა გაცილებით დაძაბული გამოდგა, ერთმანეთს ნოვაკ ჯოკოვიჩი (სერბეთი) და ალექსანდრ ზვერევი (გერმანია) შეხვდნენ, გამარჯვება გერმანელმა სპორტსმენმა (7:6 4:6 6:3) მოიპოვა.
პირველ სეტში ჩოგბურთელები საკუთარ მოწოდებაზე მშვენივრად გამოიყურებოდნენ, ტაიბრეიკზე კი ზვერევმა 7:5 გაიმარჯვა და დაწინაურდა. მე-2 სეტში კლასიფიკაციის ლიდერმა ბრეიკი მე-9 გეიმში შეასრულა და ჩამორჩენა აღადგინა.
დისაიდერში კი ზვერევმა მე-4 გეიმში შესრულებული ბრეიკით 6:3 მოიგო.
ფინალი დღეს, 21 ნოემბერს, თბილისის დროით 20:00 საათზე გაიმართება.
