2022 წლის სეზონში ბრიტანელ ენდი მარის ახალი მწვრთნელი ეყოლება და ის ჩვენთვის კარგად ნაცნობი გერმანელი იან დე ვიტი იქნება.
მოგეხსენებათ, დე ვიტი ნიკოლოზ ბასილაშვილის დამრიგებელი გახლდათ და მასთან ერთად ქართველმა დიდ წარმატებასაც მიაღწია.
საინტერესოა, რომ ქართულ-გერმანული განშორება მიმდინარე სეზონის დასაწყისში შედგა და იანს მას შემდეგ არცერთ ჩოგბურთელთან აღარ უმუშავია, ახლა კი ის პლანეტის ყოფილ პირველ ნომერს დამოძღვრავს.
მოგეხსენებათ, მარის 2017 წლიდან ჯეიმი დელგადო წვრთნიდა, თუმცა ვეტერანმა ბრიტანელმა ჩათვალა, რომ ახლა ცვლილების დროა და ის 2022 წლის საწყის ტურნირებზე სწორედ დე
ვიტთან ერთად დაიწყებს, წარმატებული თანამშრომლობის შემთხვევაში კი მხარეები ურთიერთობას გააგრძელებენ.
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
