დღეს, 18 იანვარს, ავსტრალიის ღია პირველობის პირველ წრეში, ნიკოლოზ ბასილაშვილი (23) ენდი მარის დაუპირისპირდა და 1:6 6:3 4:6 7:6 4:6 დამარცხდა. შეხვედრა 3 საათსა და 55 წუთს გაგრძელდა.
პირველ სეტში ჩვენებურმა სრული კრახი განიცადა, მიყოლებით დათმო საკუთარ სამი ჩაწოდება და 1:6 დამარცხდა.
მეორე სეტში თამაში საწინააღმდეგო სცენარით წარიმართა, 5 გეიმის თავზე ჩვენებური 4:1-ს იგებდა. საბოლოოდ, სეტი 6:3 დახურა და საქმე მესამე სეტში გადავიდა, სადაც ყველაფერი დრამატულად წარიმართა. ჩოგბურთელები გასამარჯვებლად თავიანთ მაქსიმუმს დებდნენ. სპორტსმენებმა ბრეიკები მე-5 და მე-6 გეიმში გაცვალეს, გარდამტეხი კი მე-7 გეიმი გამოდგა, სადაც ნიკოლოზმა საკუთარი ჩაწოდება დათმო და 4:6 დამარცხდა.
მე-5 სეტში ჩოგბურთელებმა თითო-თითო ბრეიკი შეასრულეს. საქმე ტაი-ბრეიკამდე მივიდა, სადაც უკეთესი ქართველი გამოდგა და 7:5 მოიგო.
ყველაფერი დისაიდერში გადავიდა. მე-9 გეიმის თავზე შოტლანდიელი 5:4-ს იგებდა, რა დროსაც ნიკოლოზმა ყველაზე მნიშვნელოვან მომენტში უპატიებელი შეცდომები დაუშვა და 4:6 დამარცხდა.
სამწუხაროდ, ქართველმა ავსტრალიის ღია პირველობა ნაადრევად დაასრულა.
შეუძლებელია, შენ გასწვრივ ბასილაშვილის სახელის დანახვა გაგიხარდეს - მარი ნიკოლოზთან მატჩის შემდეგ
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
