წლის მეორე დიდი სლემის, როლან გაროსის მეორე წრეში, დღეს ნიკოლოზ ბასილაშვილი აშშ-ის წარმომადგენელ მაკენზი მაკდონალდს დაუპირისპირდება. ჩვენი დღევანდელი მეტოქე 27 წლისაა და მსოფლიო რეიტინგში მე-60 პოზიცია უჭირავს. ის ნიკას წელს როტერდამში დაუპირისპირდა და 2 სეტში დაამარცხა.
მიუხედავად ამისა, ყველასთვის კარგადაა ნაცნობი, რომ მაკენზი გრუნტის საფარზე კარგად ვერ თამაშობს და აქედან გამომდინარე, ჩვენებური ფავორიტია.
თუ მატჩი ბასილაშვილის გამარჯვებით დასრულდა, ის, სავარაუდოდ, მესამე წრეში იტალიელ იანიკ სინრერს შეხვდება, რომელსაც დღეს, წესით, ესპანელი რობერტო კარბალიეს-ბეანას დამარცხება არ უნდა გაუჭირდეს.
შეხვედრა თბილისის დროით 16:30
აქვე გეტყვით, რომ გუშინ ნიკამ როლან გაროსზე წყვილებშიც ითამაშა და დამარცხდა. ის პორტუგალიელ ჟოაო სოუზასთან იყო შეამხანაგებული, თუმცა მათმა დუეტმა სერბ მიომირ კეცმანოვიჩთან და ამერიკელ ნიკოლას მონროსთან ორ სეტში - 4:6, 4:6 წააგო.
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
