საბა ასანიძემ ახალგაზრდულ მსოფლიო ჩემპიონატზე ბრინჯაოს მედალი მოიპოვა

მექსიკაში მიმდინარე მსოფლიო ჩემპიონატზე (U20) საქართველოს ნაკრების მთავარი მწვრთნელის, მალხაზ ლომთაძის, ხელმძღვანელობით, 81 კგ. წონით კატეგორიაში საბა ასანიძემ და ნიკოლოზ ესართიამ იასპარეზეს.

საბა ასანიძემ ატაცში 145 / 149 კგ. დაძლია და მე-4 ადგილზე გავიდა. ძალოსანმა აკვრაში თავი 180 / 184 კილოგრამს გაართვა და ბრინჯაოს მედლის მფლობელი გახდა, ორჭიდში მოგროვილი 333 კილოგრამით კი ასანიძემ კვლავ ბრინჯაოს მედალი მოიპოვა!

ასანიძემ საქართველოს იუნიორთა რეკორდებიც გააუმჯობესა. ძალოსანმა აკვრაში 1, ორჭიდში კი 3 კილოგრამით გააუმჯობესა ქვეყნის რეკორდი.

ნიკოლოზ ესართიამ კი ატაცში 135 / 140 / 144 კილოგრამის ძლევით მე-10 ადგილი დაიკავა. ქართველმა ძალოსანმა აკვრაში დაძლეული 170 / 177 კილოგრამით მე-9 ადგილი, ხოლო ორჭიდში მოგროვილი 321 კილოგრამით მე-8 ადგილი დაიკავა.

მალხაზ ლომთაძე - ახალგაზრდული ნაკრების მთავარი მწვრთნელი

ილია თვალოძე - ახალგაზრდული ნაკრების მწვრთნელი

თემურ ჯანჯღავა - საბა ასანიძის პირადი მწვრთნელი

გიორგი ჭინჭარაული - ექიმი-რეაბილიტოლოგი

თეგები:

საბა ასანიძე

(0)