10 ნოემბერს იუნიორთა სეგმენტში ასპარეზობაში ჩაერთვნენ იუნიორი გოგონები. მაყურებლებისა და მსაჯების წინაშე თავისი მოკლე და თავისუფალი პროგრამები წარმოადგინა ქართველმა მოციგურავემ, ალინა ურუშაძემ, რომელიც ყოველ ახალ სტარტზე აუმჯობესებს საკუთარ შედეგს და ყოველ მომდევნო ტურნირზე სრულყოფილად წარმოადგენს თავის პროგრამებს.
ალინა ურუშაძესთან ერთად იუნიორთა შორის ასპარეზობდა 13 ქვეყნის 29 მოციგურავე. თავისუფალ პროგრამაში ალინამ 93, 08 ქულით პირველი ადგილი დაიკავა და დამაჯერებელი გამოსვლით კიდევ ერთხელ დაადასტურა თავისი ფიზიკური მომზადება და ტექნიკური ელემენტების შესრულების მაღალი ხარისხი.
მოკლე და თავისუფალი პროგრამების საერთო 139,87 ქულით ალინა ურუშაძემ მეორე ადგილი და ვერცხლის მედალი დაიმსახურა.
ქართველმა მოციგურავეებმა ფიგურული სრიალის საერთაშორისო ტურნირი მოიგეს
მომზადებულია საქართველოს ფიგურული სრიალის ფედერაციის Facebook-გვერდის მიხედვით
