19 წლამდე ხელბურთელ ვაჟთა მსოფლიოს ჩემპიონატის მონაწილეებმა, რომლებსაც თბილისი მასპინძლობს, გუშინ დაისვენეს. წინა დღეს კი ჯგუფური ტურნირის ბოლო ტურმა განსაზღვრა, ვინ ვინ არის და რისთვის ითამაშებს.შეგახსენებთ, რომ B ჯგუფში საპლეიოფოდ შესანიშნავი შანსი ჰქონდა საქართველოს ნაკრებს, რომელიც გადამწყვეტ მატჩში ჩილესთან დამარცხდა (24:29), ჯგუფში მეხუთე ადგილზე გავიდა და სხვა მეხუთეადგილოსნებთან - ნორვეგიასთან, ბრაზილიასა და სერბეთთან ერთად პრეზიდენტის თასისთვის, ანუ XVII-XX ადგილებისთვის იბრძოლებს, ჩილე კი პლეი-ოფში გავიდა და დღეს შეჯიბრების მთავარ ფავორიტთან, მსოფლიოს ჩემპიონ საფრანგეთის ნაკრებთან გაარკვევს ურთიერთობას.
"სამფეროვნებმა" A ჯგუფში შესანიშნავად
ასევე უდანაკარგოდ გავიდნენ პირველ ადგილზე B ჯგუფში ისლანდიელები, რომლებმაც გერმანელებს დრამატულ მატჩში ბოლო წამებზე აჯობეს (28:27). კუნძულელებს პლეი-ოფის პირველ წრეში შვედები გაუწევენ მეტოქეობას.
მესამე გუნდი, რომელმაც ჯგუფური ეტაპი მაქსიმალური შედეგით დაასრულა, არის ესპანეთის გუნდი, რომელსაც სპეციალისტები სამართლიანად მიიჩნევენ ამ ჩემპიონატის ერთ-ერთ ფავორიტად.
U19. მსოფლიოს ჩემპიონატი
16 აგვისტო
XXI-XXIV ადგილებისთვის
9:30: არგენტინა-მექსიკა, ბაჰრეინი-ალჟირი
XVII-XX ადგილებისთვის
11:45. საქართველო-ნორვეგია, ბრაზილია-სერბეთი
1/16-ფინალი
14:00. ირლანდია-შვედეთი, პორტუგალია-ტუნისი
16:15. საფრანგეთი-ჩილე, სლოვენია-ხორვატია
18:30. დანია-გერმანია, იაპონია-ეგვიპტე
20:45. კორეა-რუსეთი, ესპანეთი-პოლონეთი.
(იბეჭდება მცირე ცვლილებით)
ყოველდღიური სპორტული გაზეთი "ლელო"
