სხვა

კრივი

საჩემპიონო ბრძოლა ჯოშუასა და რუისს შორის შესაძლოა საუდის არაბეთში გაიმართოს

AutoSharing Option
Sky Sports-ის ინფორმაციით, მძიმე წონაში მსოფლიო ჩემპიონის ქამრისთვის განმეორებითი ბრძოლა ენტონი ჯოშუასა და ენდი რუისს შორის შესაძლოა, საუდის არაბეთში გაიმართოს.

მოკრივეები განმეორებით ბრძოლაზე რინგზე ყოფნის დროს შეთანხმდნენ, როცა რუისმა ჩემპიონი ჯოშუა დაამარცხა და 3 დივიზიონის ჩემპიონის ქამრები მოიპოვა. ამჟამად IBF, WBA და WBO ქამრებს სუპერმძიმე წონით კატეგორიაში სწორედ ენდი რუისი ფლობს.

თავიდან თითქოს შეთანხმებული იყო, რომ ბრძოლა ბრიტანეთში უნდა გამართულიყო, თუმცა შემდეგ რუისმა მეორე ჩხუბის გამართვაც ამერიკაში მოინდომა.

ენტონი ჯოშუას, რომელმაც კარიერაში პირველი ბრძოლა ჩაატარა საკუთარი ქვეყნის გარეთ და იმაშიც დამარცხდა,
ბრძოლის კარდიფში ჩატარება სურს. მისი თქმით, ჩემპიონმა ამ გამოწვევას უნდა გაუძლოს და ახლა ჩემპიონი რუისია. ბრიტანელმა ისიც განაცხადა, რომ მზად იყო, რუისთან ტიხუანაში ებრძოლა, დაე, მსაჯი რუისის ბიძა ყოფილიყო და მას მაინც დაამარცხებდა.

ინფორმაცია საუდის არაბეთში ბრძოლის გამართვის შესახებ საბოლოო არაა და მხარეებს აღნიშნულ საკითხზე ჯერ კომენტარი არ გაუკეთებიათ.


ასევე დაგაინტერესებთ