დღეს ბევრმა არ იცის, რომ პლანეტის ერთ-ერთი საუკეთესო მებრძოლი და მძიმე წონის ჩემპიონი WBA, WBO და IBF-ის ვერსიებით, ენტონი ჯოშუა, კრივით მაშინ დაკავდა, როცა 18 წლის იყო. კრივამდე კი პატარა ენტონი მუდმივად კრიმინალურ ამბებში იყო გახვეული: ნარკოტიკები, ჩხუბები, ციხე და ასე შემდეგ. დღევანდელ სტატიაში ჯოშუას განვლილ გზაზე ვისაუბრებთ.
ენტონის მტკიცე ხასიათი უკვე ახალგაზრდობაშიც აისახა: ის თავად ამოძვრა იმ ჭაობიდან, სადაც შეტოპა. ერთ-ერთ ინტერვიუში ჰყვება, თუ საიდან დაიწყო მისი ნორმალურ ცხოვრებაში დაბრუნება.
- როგორი იყო ჯოშუა ჩემპიონობამდე?" width="450" style="border: 0px none;" />
"პირველი რამდენიმე კვირა განსაკუთრებული არაფერი იყო, - იხსენებს ჯოშუა. - ბრალი წარმიდგინეს და დროებით ციხეში ყოფნა მომიწია.
იმ წლების ჩემი თავი კარგად მახსოვს, საერთოდ არაფერი გამაჩნდა. ტუჩები გამუდმებით მისკდებოდა და სპეციალური კრემიც არ მქონდა, რომ წამესვა. უბრალო ზეთს ვისვამდი.
როცა გირაოს სანაცვლოდ გამათავისუფლეს, მაშინ დავიწყე კრივზე სიარული. დავდიოდი დარბაზში, ვმუშაობდი სიმძიმეებთან, ტომარასთან და ასე შემდეგ."
"ფეხზე სამაჯური მიმამაგრეს, რომელიც ჩემს ადგილმდებარეობას აჩვენებდა. ყოველდღე 20:00-ზე სახლში უნდა ვყოფილიყავი. ამ გარემოებამ დროულად მისვლას მიმაჩვია. მაშინ 17-ის ან 18 წლის ვიქნებოდი."
"ვფიქრობ, კრიმინალური ცხოვრებისგან კრივმა მიხსნა. მაშინ მივხვდი, რომ როგორ რთულ სიტუაციაშიც უნდა ვყოფილიყავი, განსაკუთრებულ გზაზე უნდა დავმდგარიყავი."
თუმცა ერთ-ერთ მომენტში ჯოშუას ცხოვრება ისევ 360 გრადუსით ამოტრიალდა. კრივში მოპოვებულმა წარმატებამ ის დიდი ბრიტანეთის ოლიმპიურ ნაკრებში მოახვედრა, დაიწყო ფულის გამომუშავება და შეიძინა "მერსედესი". ერთხელ ენტონი პოლიციამ გააჩერა და ჩანთაში მარიხუანა აღმოუჩინა:
"მე ოლიმპიური ნაკრების წევრი გავხდი. მაშინ თვეში 500 ფუნტს მიხდიდნენ. ეს არ იყო დიდი თანხა, თუმცა იმაზე მდიდარი ვიყავი, ვიდრე აქამდე.
ერთხელ გრეჰემ პარკის მიმდებარე ტერიტორიაზე მივდიოდი. ეს ჩრდილოეთ ლონდონშია. პოლიციამ გამაჩერა. სამი ოფიცერი მოვიდა. იქიდან ორი, კარგი ტიპი ჩანდა, მაგრამ ყოველთვის გამოჩნდება ერთი, რომელიც იტყვის: "რასაც უნდა ამბობდეს, იცოდეთ, იტყუება. ეს ბიჭი რაღაცაშია გარეული."
"მან მითხრა: "შენი მანქანიდან მარიხუანის სუნი მოდის". ვუპასუხე, რომ ბიძა მეჯდა და სანამ ჩამოვსვამდი, ის ეწეოდა.
შემდეგ ჩანთა დაინახა და მკითხა: "ეს რა არის"? ამ მომენტში გაქცევა მომინდა, მაგრამ დარჩენა გადავწყვიტე, რადგან ჩანთაში საბუთები და ტელეფონი მედო. თანაც, ოლიმპიური ნაკრების წევრიც ვიყავი."
შედეგად ჯოშუას ნარკოტიკების შენახვაში წარედგინა ბრალი, მაგრამ მოკრივემ დანაშაული აღიარა და ციხეში ჩაჯდომას გადაურჩა.
ამ ინციდენტმა კი ენტონი სამუდამოდ შეცვალა. მალე მან ლონდონის ოლიმპიადაზე ოქრო მოიგო, ხოლო პროფესიონალებში გადასვლის შემდეგ ერთადერთი ტიტული აკლია, რომ მძიმე წონის აბსოლუტური ჩემპიონი გახდეს.
ტაისონ ფიური: ჯოშუას უაილდერთან ბრძოლაში 80 მილიონი შესთავაზეს და უარი უთხრა, ეტყობა, სუსტი ყბის შეეშინდათ
ბერნარდ ჰოპკინსი: ფიურისა და ჯოშუას პირველი ბრძოლა ფრედ დასრულდება, მეორეში ჯოშუა მოიგებს
