რამდენიმე კვირის წინ სოციალურ ქსელებში გავრცელდა ფოტო, სადაც ბრიტანელი მძიმეწონოსნები ტაისონ ფიური და ენტონი ჯოშუა ერთმანეთს ესპანეთში, მარბელაში შეხვდნენ. ფიურისა და ჯოშუას პოტენციური ორთაბრძოლა დიდ რეზონანსს იწვევს, თუმცა, სულ მცირე, წელიწად-ნახევარი შეუძლებელია მათი ბრძოლის დაორგანიზება.
ჯოშუა ჯერ კუბრატ პულევს უნდა შეხვდეს, ხოლო ფიურის წლის ბოლოს დეონტეი უაილდერთან მესამე ბრძოლა აქვს გასამართი.
ენტონი ფიურისთან შეხვედრას იხსენებს.
"ვიცოდი, რომ ისიც მარბელაში უნდა ჩამოსულიყო. საერთო მეგობრები გვყავს და იმათმა ახსენეს. მე ფეხით პორტში მივდიოდი. ეს ისეთი ადგილია, სადაც ან მე, ან ფიურის აუცილებლად
შეგვხვდებოდით. ის მანქანით მოდიოდა, გამიჩერა და მითხრა:
- არ წააგო კუბრატ პულევთან.
- სისულელეებს ნუ ლაპარაკობ - ვუპასუხე მე.
- შემდეგ უსიკს უნდა შეხვდე?
- მისმინე, ტაისონ. როცა მე და შენ რინგზე შევხვდებით, უსიკზე სადარდებელი დრო არ გვექნება. შემდეგ წელს შევხვდებით.
შემდეგ მე მივესალმე მისის ფიურის და დავემშვიდობე მათ. ასე დასრულდა ჩვენი შეხვედრა", - ისაუბრა ენტონიმ Sky Sports-თან ინტერვიუში.
