საქართველოს ოლიმპიური ნაკრების წევრს, მძლეოსან ბენიკ აბრამიანს სამი სახის აკრძალული ნივთიერების გამოყენება აღმოუჩინეს და ბირთვის კვრაში შეჯიბრების დაწყებამდე ცოტა ხნით ადრე დისკვალიფიკაცია მიუსაჯეს - ამ ინფორმაციას ტესტების საერთაშორისო სააგენტო ITA ადასტურებს, ინფორმაცია კი illinoisnewstoday-მ და reuters-მა გაავრცელეს.გამოცემის მიხედვით, 36 წლის სპორტსმენს ორი სტეროიდი და აკრძალული ჰორმონი( მეტანდიენონი, დეჰიდროქლორმეთილტესტოსტერონი და ტამოქსიფენი) აღმოაჩნდა. აბრამიანს კიდევ ერთი ტესტის მოთხოვნის უფლება აქვს და საკუთარი სიმართლის დამტკიცების შესაძლებლობა სპორტულ საარბიტრაჟო სასამართლოშიც მიეცემა.
ამ თემასთან დაკავშირებით საქართველოს ეროვნულმა ოლიმპიურმა კომიტეტმა ოფიციალური განცხადება გაავრცელა:
"ჩვენთვის ცნობილი გახდა,
დადგენილი წესის შესაბამისად, აბრამიანი მოხსნილია ტოკიოს ოლიმპიური თამაშებიდან.
მის შემდგომ სპორტულ კარიერასთან დაკავშირებულ საკითხებს მოგვიანებით განიხილავენ შესაბამისი სპორტული ორგანიზაციები.
აქვე გაცნობებთ, რომ ტოკიოში გამომგზავრებამდე უკლებლივ ყველა ლიცენზიანტმა სპორტსმენმა, მათ შორის ბენიკ აბრამიანმა გაიარა დოპინგ-კონტროლი."
რამაზ ზოიძე ნახევარფინალშია [VIDEO]
