გუშინ, 24 ივლისს, სოჭში გაიმართა ACA 107, რომლის მთავარ შეხვედრაში ერთმანეთს ალექსანდრ ემელიანენკო და მაგომედ ისმაილოვი დაუპირისპირდნენ. აღსანიშნავია, რომ ბრძოლა მძიმე წონაში ჩატარდა, თუმცა მთელი კარიერის მანძილზე, ისმაილოვი საშუალო წონაში (84კგ) ასპარეზობდა. გამომდინარე აქედან, მან მასის ნორმალური მომატებაც ვერ მოახერხა და ემელიანენკოზე 20 კგ-ით მსუბუქი იყო: ალექსანდრე 117, ისმაილოვი 94.6 კგ.
მიუხედავად იმისა, რომ ემელიანენკოს ფავორიტად თვლიდნენ, ისმაილოვმა 3 რაუნდის განმავლობაში ის უშანსოდ სცემა. მას ბრძოლა პარტერში გადაჰყავდა, სადაც მოწინააღმდეგეს მძიმე დარტყმებს აყენებდა. მესამე რაუნდში მორიგი დარტყმების სერიის შემდეგ რეფერიმ შეხვედრა გააჩერა.
ბრძოლის შემდეგ, მაგომედმა განაცხადა, რომ თუ ემელიანენკოს რემატჩი სურს, ის მას აუცილებლად მიიღებს.
შეგახსენებთ, ალექსანდრე სკანდალებით ცნობილი მებრძოლია. ერთ-ერთ უკანასკნელ "წაკიდებაში" მან ლეგენდარული რუსი მებრძოლი ოლეგ ტაკტაროვი იმიტომ გამოლანძღა, რომ მან კავკასიელები უარყოფითად მოიხსენია.
"კავკასიელებმა გაჭამეს, გასვეს, გიმასპინძლეს და ახლა ლანძღავ, ბ*ზი ხარ" - ემელიანენკო ტაკტაროვზე
