ამერიკის შეერთებული შტატები აპირებს, 2026 წლის ზამთრის ოლიმპიური თამაშების მასპინძლობაზე განაცხადი შეიტანოს. კანდიდატ ქალაქებად დენვერი და სოლტ-ლეიკ-სიტი სახელდება. თუმცა, ჯერჯერობით, ოფიციალური განცხადება არ გაკეთებულა, რადგან ლოს-ანჯელესი პრეტენზიას 2028 წლის ოლიმპიადის მასპინძლობაზე აცხადებს."სიამოვნებით განვიხილავთ საკითხს - რა სჭირდება დენვერს თამაშის ორგანიზებისთვის", - ამბობს დენვერის სპორტული კომისიის აღმასრულებელი დირექტორი მეტიუ პეინი.
"სოლტ-ლეიკ-სიტი სიამოვნებით მიიღებდა კიდევ ერთ ოლიმპიადას, მაგრამ ახლა მთელი ყურადღება კონცენტრირებულია ლოს-ანჯელესის განაცხადზე", - განაცხადა სოლტ-ლეიკ-სიტის წარმომადგენელმა ფრეიზერ ბალოკმა.
შეგახსენებთ, სოლტ-ლეიკ-სიტი ზამთრის ოლიმპიადას 2002 წელს მასპინძლობდა.
(იბეჭდება მცირე ცვლილებით)
ყოველდღიური
