მიუნხენის მსოფლიო თასის წინ საქართველოს ტყვიის მსროლელთა ნაკრები ბაქოში ერთკვირიან შეკრებას გაივლის.აზერბაიჯანში გუნდი ამ შემადგენლობით გაემგზავრება: ოლიმპიური ჩემპიონი, ტოკიოს საგაისო ოლიმპიადის ლიცენზიანტი ნინო სალუქვაძე; ახალგაზრდებში მსოფლიოსა და ევროპის ჩემპიონატების მესამეპრიზიორი ლიზი კილაძე; ახალგაზრდებში გუნდურში ევროპის ბრინჯაოსმედალოსანი ცოტნე მაჭავარიანი და ლევან ქადაგიძე, ვინც მწვრთნელის ფუნქციებს ითავსებს.
მიუნხენის მსოფლიო თასი სალიცენზიო ტურნირია და იქ, როგორც სხვაგან, ტოკიოს ოლიმპიადის 2-2 საგზური თამაშდება. ადგილმონაცვლეობის პრინციპი იქაც მოქმედებს: თუ თასი ტოკიოს ლიცენზიანტმა მოიგო, ოლიმპიადის საგზური მომდევნო ადგილზე გასულს გადაეცემა.
გერმანიაში ქართველი ტყვიის მსროლელები 24-31
მაისს იასპარეზებენ.
ნინო სალუქვაძის წარმატების ფორმულა - ინტერვიუ უნიკალურ ქართველ სპორტსმენთან
მომზადებულია Sportstat.gov.ge-ს მიხედვით
