UFC-ის ჩემპიონმა საშუალო წონაში ხაბიბ ნურმაგომედოვმა რუსეთის "პირველ არხთან" მისი ბრძოლების მიმართ დედის დამოკიდებულებაზე ისაუბრა.
"დედა ადრე ჩემს ბრძოლებს არ უყურებდა, ახლა კი არჩევანი არ აქვს. მთელი ქვეყანა, მთელი მსოფლიო უყურებს და მასაც უწევს ტელევიზორიდან თვალის მიდევნება. თუმცა მხოლოდ მომენტებს თუ შეხედავს. გადი-გამოდის ოთახში, მეორე ოთახიდან კითხულობს: "ვინ იგებს ბრძოლას?" ძალიან ნერვიულობს. დედა მაინც დედაა.
სულ ვეხმიანები მას, დღეში ერთხელ მაინც ვურეკავ. მომზადებისა და ვარჯიშის პროცესს ნაკლებად განვიხილავთ. დედა სულ მეუბნება: "შვილო, გააკეთე შენი საქმე. გადაიყვანე პარტერში და მალე დაასრულე.
არაა საჭირო ადამიანების ცემა. გააკეთე მტკივნეული ილეთი, დაე, დაარტყას ხელი ძირს და დამთავრდეს ჩხუბიც", - მოჰყავს დაღესტნელი მებრძოლის სიტყვები რუსეთის "პირველ არხს".
ხაბიბმა რამდენიმე დღის წინ დაამარცხა ამერიკელი დასტინ პორიე და ჩემპიონის ქამარი შეინარჩუნა.
![alt](/pictures/image50/0dceae99422c8b1f69379af96e06f0fd.jpg "ნურმაგომედოვი: დედა ყოველთვის მეუბნება- "არაა საჭირო ადამიანების ცემა, გადიყვანე პარტერში და დაამთავრე"")
ფერგიუსონი: ნურმაგომედოვი "სველი გადასაფარებელივით" იბრძვის![alt](/pictures/image50/a1909c65b3cc2877a98cc47fe2a47a2c.jpg "ნურმაგომედოვი: დედა ყოველთვის მეუბნება- "არაა საჭირო ადამიანების ცემა, გადიყვანე პარტერში და დაამთავრე"")
ხაბიბმა პორიეს მტკივნეული ილეთით სძლია და ჩემპიონის ტიტული შეინარჩუნა [VIDEO] 
