ტოკიოში ქართველი პარალიმპიელი ჯუდოკა ზვიად გოგოჭური დააკავეს. როგორც NHK News-ი წერს, ზვიად გოგოჭურს ბრალად ედება სასტუმროს დაცვის თანამშრომელზე თავდასხმა.
გავრცელებული ინფორმაციით, ინციდენტი იმ სასტუმროში მოხდა, სადაც ქართველი პარაძიუდოისტები არიან. იაპონური მედიის ცნობით, გუნდის ერთ-ერთ წევრს კორონავირუსი დაუდასტურდა და ამის გამო მთლიანი ნაკრები კარანტინშია. Japantoday წერს, რომ ზვიად გოგოჭური თანაგუნდელებთან ერთად სასტუმროს დერეფანში ხმაურობდა, რის გამოც დაცვის თანამშრომელმა მათ ოთახებში დაბრუნება სთხოვა, რის შემდეგაც ზვიად გოგოჭურმა 60 წლის დაცვის თანამშრომელი იატაკზე დააგდო და ფიზიკურად გაუსწორდა. იაპონური მედიის ცნობითვე, მას ნეკნი აქვს
გატეხილი.
როგორც Japantoday წერს, ზვიად გოგოჭურმა პოლიციაში ბრალდება აღიარა და ასევე განმარტა, რომ ინციდენტის დროს თანაგუნდელებთან ერთად ალკოჰოლს სვამდა.
ზვიად გოგოჭური რიოს პარალიმპიური თამაშების ჩემპიონია, ტოკიოს თამაშებიდან კი მისი დისკვალიფიკაცია გარდაუვალია. როგორც პარალიმპიური საორგანიზაციო კომიტეტის სპიკერმა თქვა, გოგოჭური, სავარაუდოდ, სახლში გაემგზავრება, თუმცა საქმე შესაძლოა იმან გაართულოს, რომ სასტუმრომაც და დაცვის თანამშრომელმაც ქართველი პარაჯუდოკას წინააღმდეგ სარჩელი შეიტანეს და საქმე სისხლის სამართლის მუხლით არის აღძრული.
ინფორმაციის წყარო: ძიუდოს დღიურები / Judo Diaries
![ლაშა ტალახაძე საქართველოს 2016 წლის საუკეთესო სპორტსმენია! [PHOTO]](/pictures/image7/3cf27e96d1efa68957bbb813cb381422.jpg "ლაშა ტალახაძე საქართველოს 2016 წლის საუკეთესო სპორტსმენია! [PHOTO]")
![რიო 2016: ზვიად გოგოჭურმა ოქროს მედალი მოიპოვა! [VIDEO]](/pictures/image7/3d50370dc7c3884c15a2ea193fa8cfe3.jpg "რიო 2016: ზვიად გოგოჭურმა ოქროს მედალი მოიპოვა! [VIDEO]")
![რიო 2016: ზვიად გოგოჭურის ფინალური შეხვედრა [LIVE]](/pictures/image7/9171639957fa4702881b2114443d96c7.jpg "რიო 2016: ზვიად გოგოჭურის ფინალური შეხვედრა [LIVE]")
ვინცხას უყვირია, მაგი თუ ადგა ყველას დაგვხოცავს, იაპონიაში ეს კაცი პირველი კარატისტიაო !
... და აბა მითხარით, ჩვენებს სხვა გზა ქონდათ? მართლა კარატისტი რომ ყოფილიყო, მერე სად უნდა გამოეყოთ თავი? მოკლედ გოგოჭურმა გვასახელა, თორემ.
ეხლა კიდევ მორიგი პარაოლიმპიელი ლოთი ძიუდოსტი დააკავეს ცემის ბრალდწბით.
ისმის კითხვა ავარდნილი ხომ არ აქვთ თავში ძიუდოისტებს