ტოკიოს 2020 წლის ოლიმპიადის სალიცენზიო ტურნირის მეოთხე ტურში საქართველოს ნაკრებმა ბრაზილია 12:8 დაამარცხა და პლეი-ოფის საგზური გაინაღდა.
ჩვენი გუნდიდან გოლები შუშიაშვილმა (3), ელეზიმ (3), ვაპენსკიმ (2), ბარალდიმ (2), იელაჩამ და ჯახაიამ გაიტანეს.
საქართველოს ნაკრები საბერძნეთთან 10:11 დამარცხდა; შემდეგ ტექნიკური გამარჯვება ჩაეთვალა, რადგან თურქეთის გუნდი კორონავირუსის გამო ვერ გამოცხადდა; კანადას კი 14:11 სძლია.
პლეი-ოფში საქართველოს ნაკრების მეტოქე ჯგუფური ტურნირის დასრულების შემდეგ გაირკვევა.
18 თებერვალს, ჯგუფური ეტაპის უკანასკნელ ტურში, ჩვენი გუნდი ლიდერ მონტენეგროს შეხვდება. შეგახსენებთ, ტოკიოს საგზურს სამი საუკეთესო ნაკრები მოიპოვებს.
ვინც არ ვიცით ვიმკითხაოთ?