ლუის ჰემილტონი სულ ცოტა ხნის წინ სათავეში ედგა საჩემპიონო ბრძოლას, მაგრამ წარუმატებლობების სერიამ ის ამ რბოლაში აუთსაიდერად აქცია. 2008 წლის ჩემპიონის უიღბლობა იაპონიაში გაგრძელდა, სადაც მის ბოლიდზე გადაცემათა კოლოფის პრობლემები წარმოიშვა და "მაკლარენის" პილოტი მხოლოდ მეხუთე მივიდა ფინიშთან. მაგრამ ბრიტანელი ჩემპიონობისთვის ბრძოლაზე უარს არ ამბობს, რაზეც ის საკუთარ ვებგვერდზე გამოქვეყნებულ ინტერვიუში ლაპარაკობს.
- რა დადებითი დასკვნა გამოიტანეთ სუზუკას რბოლისგან?
- საინტერესოა, რომ იღბალის არასოდეს მჯეროდა და ყოველთვის მიმაჩნდა, რომ წარმატება თავად უნდა შეგექმნა, მაგრამ ბოლო ოთხი გრან-პრის შემდეგ ეს რწმენა თანდათან
სწორედ ეს არის პირველი პოზიტიური მომენტი. მეორე იმაში მდგომარეობს, რომ რაღაც ქულები მაინც მოვიპოვე და საჩემპიონო რბოლაში დავრჩი. ყველანი ვხედავთ, თუ რა ბევრია დამოკიდებული სტაბილურობაზე, ამიტომაც ყოველ ქულას დიდი წონა აქვს.
დაბოლოს, კმაყოფილი ვარ სიჩქარით, რომელიც ამ რბოლაში ვაჩვენე. ჯენსონმა წრეზე მეორე დრო დააფიქსირა, მე კი, სანამ გადაცემათა კოლოფთან დაკავშირებული პრობლემები შემექმნებოდა, ფერნანდო ალონსოს ვეწეოდი და პოდიუმზე ასვლის შანსი მქონდა. რბოლაში ყველა ტექნიკური სიახლე არ გვიჩვენებია, რაც იაპონიაში ჩავიტანეთ, ამიტომაც ოპტიმიზმით ველოდებით კორეის გრან-პრის და სხვა რბოლებს.
- ფინიშამდე სულ სამი ეტაპია დარჩენილი. შესაძლებელია ტიტულის მოპოვება?
- კარგად მესმის, რომ სიტუაცია გართულდა, მაგრამ ასეთ სიტუაციებში 2007 წელს ვიხსენებ - იმას, რაც ფინალურ რბოლებში მოხდა. კიმი რაიკონენი ფინიშამდე ორი რბოლით ადრე 17 ქულა აგებდა, მაგრამ მაინც გახდა ჩემპიონი. ვიცი, რომ არცთუ იშვიათად ტიტულის ბედი ბოლო მომენტში წყდება - ამიტომაც გაჩერებას არ ვაპირებ.
ისევ მინდა გამარჯვება და კორეაში თავდაჯერებული მივდივარ. ვინ იცის, რა შეიძლება მოხდეს, თუ მე ეტაპს მოვიგებ, ხოლო სხვა პრეტენდენტები ქულებს ვერ დააგროვებენ. ასეთ სიტუაციაში მე ისეთ თამაშში ვიქნები.
სოჭი ოფიციალურად გაფორმდა
გუშინ, სოჭს სტუმრობდა ფორმულა 1-ის მთავარი პრომოუტერი ბერნი ექლსტოუნი, რომელმაც რუსულ მხარესთან რუსეთის გრან-პრის ჩატარებაზე კონტრაქტს მოაწერა ხელი. პირველი ეტაპი 2014 წელს გაიმართება და ხელშეკრულება 2020 წლამდე იქნება ძალაში.
პროექტის გარანტად რუსეთის მთავრობა გამოდის. ტრასა ოლიმპიური პარკის ტერიტორიაზე აშენდება. ექლსტოუნმა უკვე მოინახულა მომავალი მშენებლობის ადგილი.
ტრასის სქემა ცნობილია. ტრადიციულად ის გერმანელმა სარბოლო არქიტექტორმა ჰერმან ტილკემ შეიმუშავა. ტრეკი მოიცავს როგორც საზოგადოებრივ გზებს, ასევე სპეციალურად აშენებულ მონაკვეთებს. ტრასის სიგრძე დაახლოებით 5.5 კილომეტრი იქნება.
