ავტოსპორტის თემაზე მომუშავე ცნობილმა ჟურნალისტმა ალბერტო საბატინიმ ისაუბრა მსოფლიოს შვიდგზის ჩემპიონის, მიხაელ შუმახერის აღდგენით პროცესზე. 29 დეკემბერს ზუსტად ერთი წელი შესრულდა მას შემდეგ, რაც ლეგენდარულმა გერმანელმა თხილამურებით სრიალისას თავის უმძიმესი ტრავმა მიიღო."კარგი ამბავი იმაში მდგომარეობს, რომ მიხაელი არ არის მიჯაჭვული საწოლს. როცა არ უწევს კუნთების ტონუსის ასამაღლებელი ფიზიოთერაპიული კურსი, ის ფანჯარასთან სავარძელში ზის. ბოლო დროს დაიწყო ახლობელი ადამიანების ცნობა, მაგრამ ლაპარაკი არ შეუძლია. სახის კუნთები თითქმის უმოძრაო აქვს.
შუმახერი რეაგირებს გარე გამაღიზიანებლებზე, ხმებზე მხოლოდ თვალების მოძრაობით პასუხობს. რაც მთავარია,
მნიშვნელოვანია, რომ მიხაელი აგრძელებს ბრძოლას. მისი ბრძოლის ჟინი უნდა დაეხმაროს ამ ომის მოგებაში. და თუ არსებობს ისეთი ადამიანი, რომელსაც ამის გაკეთება შეუძლია, პირველ რიგში, ეს სწორედ შუმახერია", - ამბობს საბატინი.
ყოველდღიური სპორტული გაზეთი "ლელო"
