ფორმულა 1-ში მსოფლიოს შვიდგზის ჩემპიონი მიხაელ შუმახერი გადასახადებისათვის თავის არიდებაშია ეჭვმიტანილი. ამის შესახებ ევროპული პრესა ფრანგულ ტელეარხ Canal Plus-ზე დაყრდნობით წერს.როგორც ირკვევა, ლეგენდარულ პილოტს საიდუმლო ანგარიში ბრიტანულ ბანკ HSBC Private Bank-ში ჰქონია, რომელსაც ადგილობრივი სამართალდამცავი ორგანოები ბრალს 2005-07 წლებში 180 მლრდ ევროზე მეტი ოდენობის თანხის გათეთრებაში სდებენ. ვარაუდობენ, რომ ბანკი თავის კლიენტებს პანამასა და ვირჯინის კუნძულებზე, ოფშორული კომპანიებიდან მიღებული შემოსავლების დამალვაში ეხმარებოდა.
შუმახერის გარდა, ამ ბანკის კლიენტთა შორის ფორმულა 1-ის კიდევ ორი ცნობილი პილოტი - ფერნანდო ალონსო და ჰეიკი
შეგახსენებთ, რომ მიხაელ შუმახერი თავის მძიმე ტრავმის შემდეგ მკურნალობის ხანგრძლივ კურსს გადის. გერმანელი პილოტი 2013 წლის დეკემბერში, თხილამურებით სრიალისას დაშავდა და ხუთ თვეზე მეტხანს კომატოზურ მდგომარეობაში იმყოფებოდა.
