ფორმულა 1-ში მომუშავე ორი ავტორიტეტული კორესპონდენტის აზრით, "რედ ბულის" შეფი კრისტიან ჰორნერი იდეალური კანდიდატია იმისთვის, რომ მომავალში "სამეფო რბოლების" ხელმძღვანელი გახდეს.ბრიტანული "თაიმსის" ჟურნალისტს, კევინ იზონს მიაჩნია, რომ დროა, ფორმულა 1-ის გენერალურმა პრომოუტერმა ბერნი ექლსტოუნმა მემკვიდრე მოძებნოს. ამ მომენტისთვის ფორმულა 1-ში აუდიტორია ეცემა, მცირე გუნდები ახლოს არიან გაკოტრებასთან, აქციონერებმა კი არ იციან, როგორ დაუბრუნონ ამ სარბოლო სერიას ძველი დიდება.
იზონს მიაჩნია, რომ დღევანდელ ფორმულა 1-ს 84 წლის ბრიტანელის მეთაურობით არ შეუძლია, ნაბიჯი გადადგას XXI საუკუნეში.
"ადრე თუ გვიან, "სამეფო რბოლებს"
კიდევ ერთი ბრიტანული გაზეთის, "დეილი მეილის" კორესპონდენტი ჯონათან მაკევოი ასევე ფიქრობს, რომ 41 წლის ბრიტანელი იდეალური კანდიდატია ამ პოსტზე:
"ჰორნერი - ჭკვიანი, ახალგაზრდა, ენერგიული, წარმატებული და უშიშარი ხელმძღვანელია, რაც ასე საჭიროა სპორტში. ჯერ კიდევ მაშინ, როცა "რედ ბულში" რიგით თანამშრომლად მუშაობდა, მან ყველა ეს თვისება გამოავლინა. ჰორნერისთვის უფლებამოსილების გადაცემა - ექლსტოუნის ბოლო დიადი საქმე იქნება ფორმულა 1-ისთვის".
ყოველდღიური სპორტული გაზეთი "ლელო"
