89 წლის ასაკში გარდაიცვალა მარია-ტერეზა დე ფილიპისი - პირველი ქალი, რომელიც ფორმულა 1-ში გამოდიოდა. "დიდი ცირკის" ისტორიაში, მხოლოდ ხუთი ქალი მონაწილეობდა ფორმულა 1-ის მსოფლიოს ჩემპიონატში და აქედან მხოლოდ ორი გავიდა რბოლის სტარტზე.
იტალიელმა მარია-ტერეზა დე ფილიპისმა ეროვნული სერიების სკოლა გაიარა OSCA-სა და "მაზერატის" მანქანებით. "მაზერატის" რიგებში თავისი პარტნიორის ლუიჯი მუსოს რჩევით, მან ჯერ 1958 წელს, სირაკუზში არაჩასათვლელ რბოლაში სცადა ბედი, სადაც მეხუთე ადგილი დაიკავა, შემდეგ კი ძირითადი სეზონის ოთხ გრან-პრიზე გამოჩნდა.
მონაკოში მარია-ტერეზამ ვერ გაიარა კვალიფიკაცია, ერთი თვის შემდეგ, ბელგიის
პორტუგალიასა და იტალიაში კი მანქანამ დააღალატა. 1959 წელს, ის დან ბერამ მიიწვია და ნეაპოლელმა ქალბატონმა ისევ სცადა ბედი მონაკოში.
ჩემპიონატის ერთ-ერთი ურთულესი ტრასა მან ისევ ვერ დაიპყრო და კვალიფიკაციის მიღმა დარჩა. იმავე წელს, დე ფილიპისისმა კარიერა დაასრულა, თუმცა ავტოსპორტთან კავშირი არ გაუწყვიტავს.
ყოველდღიური სპორტული გაზეთი "ლელო"
