წლეულს აპრილში აიღო სტარტი ევროპის LEGENDS CARS CUP-მა, რომელიც შვიდი ეტაპისგან შედგებოდა. შეჯიბრებაში კონტინენტის საუკეთესო პილოტებთან ერთად, ორი ქართველი ავტომრბოლელიც მონაწილეობდა - დათა ქაჯაია და კოტე კოლიაშვილი. ასპარეზობის ბოლო აკორდს 13-14 ოტომბერს ფრანგულმა ლედენონმა უმასპინძლა. მეტოქეები ორ სპრინტსა (20-20-წუთიანი რბოლები) და ერთ გრძელ რბოლაში დაუპირისპირდნენ ერთმანეთს. წინა პაექრობების შემდეგ ევროპის თასზე 687 ქულით ქაჯაია ლიდერობდა და უახლოეს მდევარს 23 ქულით უსწრებდა.
პირველ სპრინტში ქართველმა ავტომრბოლელმა მე-5 ადგილი დაიკავა, სამაგიეროდ, მეორეში თავიდანვე დაწინაურდა და სხვებზე ადრე გადაკვეთა ფინიშის ხაზი.
ამ წარმატების
საბოლოოდ ქაჯაიამ 805 ქულა მოაგროვა და ქართული ავტოსპორტის ისტორიაში პირველმა მოიპოვა ევროპის თასი. კოლიაშვილი მე-7 ადგილით დაკმაყოფილდა.
ყოველდღიური სპორტული გაზეთი "ლელო"
