ბრიტანელთა ფრენბურთელებმა - ზარა დემპნიმ და შონ მალინმა (ისინი პლაჟის ფრენბურთში გამოდიან) თავიანთ სათამაშო ტრუსებზე Quick Response-ის (QR-კოდი) კოდი განათავსეს. მის ქვეშ დაშიფრულია საბუკმეიკერო კანტორის - Betfair-ის ვებგვერდი, რომელიც ბრიტანელი ფრენბურთელების სპონსორი გახლავთ.კოდის გახსნა სმარტფონის ფოტოკამერით არის შესაძლებელი, რის შემდეგაც მომხმარებელი შეძლებს Betfair-ის ვებგვერდზე შესვლას. ამისთვის აუცილებელია დემპნის ან მალინის ბიკინის უკანა ნაწილის გადაღება.
როგორც Betfair-ის წარმომადგენელი ენდი ლალჰემი ამბობს, რომ QR-კოდი პირველად გამოიყენება სპორტულ ეკიპირებაზე განთავსებულ რეკლამაში. ლალჰემის თქმით, კოდის განთავსება იმ ადგილას გადაწყვიტეს, რომელსაც ყველაზე ხშირად გადაიღებენ
დემპნისა და მალინის დუეტი უძლიერესია ბრიტანეთში. ეს წყვილი 26-ე ადგილზეა მსოფლიო რეიტინგში.
ყოველდღიური სპორტული გაზეთი "ლელო"
