პლაჟბურთის მსოფლიო ტურმა ეტაპმა აზიიდან ევროპაში გადმოინაცვლა. ჩინეთში გამართული ორი ეტაპის შემდეგ მსოფლიოს საუკეთესო პლაჟბურთელებს პოლონეთი და ჩეხეთი მასპინძლობს. პრაღაში, სადაც ვაჟთა ტურნირი იმართება FIVB-ის ოფიციალური ტექნიკური სუპერვაიზერი, საქართველოს ფრენბურთის ფედერაციის პრეზიდენტი ლევან ახვლედიანია.ქართული წყვილი გეორ-გია, რომელიც მე-16 ნომრადაა განთესილი, ასპარეზობაში ძირითადი ბადედან ჩაერთო. პირველი შეხვედრა ჩვენმა ფრენბურთელებმა მე-16 ნომრად განთესილ ფრანგულ დუეტ კეს-კისთან ორ სეტში წააგეს - 24:26, 16:21. მერე კი, 32- ნომრად განთესილ კანადურ წყვილ ჰართი-შახნერს მოუგეს - 2:1 (21:11, 11:21, 15:10).
გეორ-გია დღეს მე-18 ნომრად განთესილ
პოლონურ მიშლოვიცეში კი ქალების შეჯიბრებაში, საქა-რთველომ, რომელიც ტურნირზე მე-17 ნომრადაა განთესილი პირველ შეხვედრაში მე-16 ნომერი შვეიცარიული დუეტი კუნი-ცმუკერი ორ სეტში დაამარცხა. მეორე მატჩში კი მეტოქე ბევრად უფრო ძლიერი, ტურნირის ფავორიტი, პირველ ნომრად განთესილი ბრაზილიური დუეტი ტალიტა-ანტონელი იყო. ჩვენმა ფრენბურთელებმა პირველი სეტი მოიგეს - 21:19, მაგრამ მერე ზედიზედ ორი წააგეს - 17:21, 12:15.
საქა-რთველო დღეს მე-18 ნომრად განთესილ კანადურ წყვილ ლიზარდ-მარტინს დაუპირისპირდება.
