ცხრა წლის ბეისბოლისტი კაიზერ კარლაილი ბეისბოლის მოედანზე გარდაიცვალა მას შემდეგ, რაც ამერიკული გუნდების - "ლიბერტი ბი ჯეისსა" და "სან დიეგო უეივსის" მატჩის დროს, თავში ბეისბოლის ჯოხი მოარტყეს. ამ ინფორმაციას ავრცელებს "ბი ჯეისის" ოფიციალური გვერდი."ოჯახის ნებართვით, გაცნობებთ სამწუხარო ამბავს - კაიზერი გარდაიცვალა", - წერია კლუბის განცხადებაში.
შეხვედრა კვირას, 2 აგვისტოს გაიმართა კანზასის შტატის ქალაქ ლიბერალში. როგორც სააგენტო AP წერს, მოთელვის დროს, ერთ-ერთმა მოთამაშემ შემთხვევით მოარტყა თავში ჯოხი კარლაილს, როცა ბიჭმა გვერდით ჩაუტარა. კაიზერს, რომელიც "ბი ჯეისში" თამაშობდა, სპეციალური ჩაფხუტი ეხურა,
"ლიბერტი ბი ჯეისი" და "სან დიეგო უეივსი" ბეისბოლის ეროვნული კონგრესის წევრები არიან. ეს ორგანიზაცია აერთიანებს ამერიკის შეერთებული შტატების 15 სამოყვარულო და ნახევრადპროფესიულ გუნდს.
ყოველდღიური სპორტული გაზეთი "ლელო"
