გასულ უქმეებზე სხვადასხვა ქალაქში წყალბურთელ ვაჟთა საკლუბო გუნდების ევროპის თასის გათამაშების მე-2 საკვალიფიკაციო ეტაპის ორთაბრძოლები გაიმართა. ილიას სახელმწიფო უნივერსიტეტის "ლიგამუსი", რომელმაც წარმატებით გადალახა თბილისში პირველი ბარიერი, ამჯერად ჰოლანდიაში გამოდიოდა.
საქართველოს წყალბურთელებმა H ჯგუფის სასტარტო შეხვედრა ნიდერლანდების ჩემპიონ "შუურმანთან" დაძაბულ პაექრობაში ორი ბურთის სხვაობით დათმეს 9:11 (2:3, 2:3, 3:3, 2:2). მომდევნო ორი ორთაბრძოლა ლიგამუსელებმა უფრო დიდი ანგარიშებით წააგეს: ხორვატიის მე-3 პრიზიორ "მორნარ სპლიტთან" - 8:19 (2:5, 2:5, 0:4, 4:5), გერმანიის ვიცე-ჩემპიონ "დუისბურგთან" - 10:20 (3:4, 2:5, 3:6, 2:5). ჯგუფის დანარჩენი შეხვედრები
თ მ ფ წ ბ ქ
"მორნარ სპლიტი" 3 3 0 0 46-20 9
"შუურმანი" 3 2 0 1 28:31 6
"დუისბურგი" 3 1 0 2 34:34 3
"ლიგამუსი" 3 0 0 3 28:49 0
ყოველდღიური სპორტული გაზეთი "ლელო"
