4 თებერვალს, თბილისის ოლიმპიურ სასახლეში, დევისის თასის ევრო-აფრიკული ზონის მეორე ჯგუფის დაპირისპირება წყვილებში გაიმართა, რომელშიც საქართველოს ნაკრები ფინეთთან უშანსოდ, სამ სეტში დამარცხა. საერთო ანგარიში სტუმართა სასარგებლოდ 2:1 გახდა.ნიკოლოზ ბასილაშვილისა და გიორგი ცივაძის წყვილმა ჰარი ჰელიოვაარასა და ემილ რუუსუვუორს ვერაფერი დაუპირისპირა - 0:3 (4:6, 0:6, 3:6).
შეგახსენებთ, რომ პირველ სათამაშო დღეს საქართველოს პირველმა ჩოგანმა ბასილაშვილმა ეერო ვაასას 3:1 მოუგო, ხოლო ცივაძე ჰელიოვაარასთან დამარცხდა - 0:3.
საქართველოსა და ფინეთის საჩოგბურთო სამდღიანი დაპირისპირება 5 თებერვალს, ერთეულთა მატჩებით დასრულდება. ნიკოლოზ ბასილაშვილი პატრიკ ნიკლას
გამარჯვებული გუნდი პირველ ზონაში გადასასვლელად ლიტვა-მადაგასკარს შორის უძლიერესთან ითამაშებს, ხოლო წაგებული ზონაში დასარჩენად ზემოაღნიშნულ მატჩში დამარცხებულს გაუწევს მეტოქეობას.
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
