როლან გაროსი: ჰალეპი და დანარჩენები

ქალთა ტურნირში ყველაფერი მშვიდად მიმდინარეობს. მესამე შეხვედრა მოიგო მოქმედმა ჩემპიონმა გარბინ მუგურუსამ, რომელსაც საკმაოდ რთული ბადე შეხვდა - პირველ წრეში მოუგო ყოფილ ჩემპიონ ფრანჩესკა სკიავონეს, მეორეში - პროგრესირებად ანეტ კონტავეიტს, მესამეში კი ყაზახ იულია პუტინცევას ხვდებოდა.

ესპანელი თავიდან ჩამორჩა - 1:3, მაგრამ მუგურუსამ ამას ზედიზედ 14 ქულის აღებით უპასუხა. სეტზე ჩაწოდება ესპანელს არ გამოუვიდა, სამაგიეროდ, მეტოქემ ჩააგდო გეიმი თავის მოწოდებაზე. რაც შეეხება მეორე სეტს, პუტინცევა ბევრს ცდებოდა და მუგურუსა ახერხებდა დომინირებას, რითაც ძალიან მალე მოამთავრა საქმე - 7:5, 6:2.

ესპანელის მეტოქე გაირკვა კრისტინა მლადენოვიჩისა და შელბი როჯერსის მატჩში. ფრანგმა პირველ წრეში ამერიკელ ჯენიფერ ბრეიდის მესამე სეტში 9:7 მოუგო. და ახლაც დასჭირდა ბოლომდე დახარჯვა. უკვე პირველ სეტში მასპინძელი მდევრის როლში იყო, მაგრამ შეძლო მოგება. როჯერსმა მეორე სეტი თავის სასარგებლოდ დაასრულა და მესამე ბრეიკით დაიწყო, შემდეგ 5:2 წაიყვანა ანგარიში და მოგებაც თითქოს გარანტირებული ჰქონდა, მაგრამ მლადენოვიჩმა "მშრალი" ანგარიშით დაიბრუნა მოწოდება, ბოლო ორ გეიმში კი მხოლოდ ორი ქულა დათმო.

* * *
სიმონა ჰალეპი აგრძელებს ერთ-ერთი მთავარი ფავორიტის სტატუსის დამტკიცებას. რუმინელმა პირველ სეტში 6:0 გაანადგურა დარია კასატკინა, მეორეში კი 3:1 დაწინაურდა, მაგრამ შემდეგ ზედიზედ ოთხი გეიმი ჩააბარა მეტოქეს. რუსს ოთხი სეტბოლი ჰონდა, მაგრამ ჰალეპმა ყველა მოიგერია. კასატკინა ამის გამო განაწყენდა და საკუთარი გეიმი "მშრალი" ანგარიშით დათმო.

* * *
მეორედ ითამაშებს როლან გაროსის მერვედფინალში ალიზ კორნე. ის ერთ-ერთი ყველაზე მოულოდნელი შედეგის ავტორი გახდა. აგნიეშკა რადვანსკა ბოლო დროს ძალიან ცუდად გამოიყურება და მისი წაგება აღარავის უკვირს, მაგრამ ანგარიში - 6:2, 6:1, მართლაც მოულოდნელია. პოლონელმა, რომელიც ძალიან იშვიათად ცდება, 19 უზუსტობა დაუშვა, კორნე კი კარგ შემტევ ჩოგბურთს თამაშობდა და 32 "ვინერსიც" დააგროვა. ახლა მას კაროლინ გარსიასთან აქვს მატჩი. ეს ფრანგები მეგობრები ნამდვილად არ არიან და კორნემ ისიც თქვა, რომ არ დალევს ყავას კაროლინთან ერთად არც მატჩამდე და არც მატჩის შემდეგ.

ქალები
II წრე
კარ. პლიშკოვა (ჩეხ, 2)-ალექსანდროვა (რუს) 6:2, 4:6, 6:3
ჰალეპი (რუმ, 3)-მარია (გერ) 6:4, 6:3
სვიტოლინა (უკრ, 5)-პირონკოვა (ბულ) 3:6, 6:3, 6:2
ა. რადვანსკა (პოლ, 9)-ვან უიტვანკი (ბელ) 6:7(3), 6:2, 6:3
მარტიჩი (ხორ)-კისი (აშშ, 12) 3:6, 6:3, 6:1
ვესნინა (რუს, 14)-ლეპჩენკო (აშშ) 4:6, 6:3, 6:0
სეპედე როიგი (პარ)-პავლიუჩენკოვა (რუს, 16) 7:6(4), 2:6, 6:4
სევატოვა (ლატ, 17)-ბუშარი (კან) 6:3, 6:0
კორნე (საფ)-სტრიკოვა (ჩეხ, 20) 6:4, 6:1
სუარეს ნავარო (ესპ, 21)-კირსტეა (რუმ) 7:5, 6:4
კასატკინა (რუს, 26)-ვონდროუშოვა (ჩეხ) 7:6(1), 6:4
გარსია (საფ, 28)-პაკე (საფ) 7:5, 6:4
ლინეტი (პოლ)-კონიუჰი (ხორ, 29) 6:0, 7:5
ჰსიე (ტაივ)-თაუნსენდი (აშშ) 6:0, 2:6, 6:3
დუკე მარინო (კოლ)-რიბარიკოვა (სლოვაკ) 1:6, 6:3, 8:6
ვიტჰოფტი (გერ)-პარმენტიე (საფ) 6:4, 7:6(5)

1/16 ფინალი
ჰალეპი (რუმ, 3)-კასატკინა (რუს, 26) 6:0, 7:5
მუგურუსა (ესპ, 4)-პუტინცევა (ყაზ, 27) 7:5, 6:2
კუზნეცოვა (რუს, 8)-ჟანგი (ჩინ, 32) 7:6(5), 4:6, 7:5
კორნე (საფ)-ა. რადვანსკა (პოლ, 9) 6:2, 6:1
ვ. უილიამსი (აშშ, 10)-მერტენსი (ბელ) 6:3, 6:1
ვოზნიაცკი (დან, 11)-ბელისი (აშშ) 6:2, 2:6, 6:3
მლადენოვიჩი (საფ, 13)-როჯერსი (აშშ) 7:5, 4:6, 8:6
სუარეს ნავარო (ესპ, 21)-ვესნინა (რუს, 14) 6:4, 6:4
სტოსური (ავსტრა, 23)-მატეკი (აშშ) 6:2, 6:2
გარსია (საფ, 28)-ჰსიე (ტაივ) 6:4, 4:6, 9:7
ბაშჩინსკი (შვეიც, 30)-ჟაბორი (ტუნ) 6:2, 6:2
ოსტაპენკო (ლატ)-ცურენკო (უკრ) 6:1, 6:4

ყოველდღიური სპორტული გაზეთი "ლელო"