სოფიო ქვაცაბაია ანტალიის 10.000-იანი ტურნირის ძირითად ბადეში მე-5 ნომრადაა განთესილი. ასპარეზობის სტარტზე, როგორც გულშემატკივრებმა იციან, ჩვენებურმა სერბ სანკიჩს სძლია (6:1, 6:1), 16 იანვარს კი ჰოლანდიელი მარით ბოონსტრას მძლეველ კორეელს - მი იოოს დააყრევინა ფარ-ხმალი 6:0, 6:4 და მეოთხედფინალში ბელგიელ ელინე ბოეიკენსს შეხვდება.
ამ უკანასკნელმა 16 იანვარს ტურნირის მე-4 ნომერი, ქვაცაბაიას მეწყვილე ისაბელა შინიკოვა (ბულგარეთი) ჩამოიცილა გზიდან - 6:1, 6:3.
ასპარეზობის რეიტინგფავორიტმა ალექსანდრა დულგნერუმ (რუმინეთი) კლაუდინე ჩაულს (ლუქსემბურგი) აჯობა - 6:0, 6:4 და მეოთხედფინალში ანასტასია რუდაკოვას დაუპირისპირდება.
ყოველდღიური სპორტული გაზეთი "ლელო"
