საქართველოს ჩოგბურთელ ქალთა ნაკრებმა შარშან ფედერაციის თასზე პირველ ლიგაში თამაშის უფლება მოიპოვა, მაგრამ წლეულს იქ პოზიციების შენარჩუნება ვერ შეძლო. ეილათში (ისრაელი) 16-მა გუნდმა მოიყარა თავი. ჩვენებურები (სოფიო შაფათავა, სოფიო ქვაცაბაია, ეკა გორგოძე, მაკა ჩახნაშვილი - მოთამაშე კაპიტანი) A ჯგუფში ბელორუსებთან, ავსტრიელებთან და ხორვატებთან ერთად მოხვდნენ.
წრიულ ტურნირში, სამწუხაროდ, სამივე შეხვედრა მშრალი ანგარიშით წააგეს. პირველ ლიგაში ადგილის შესანარჩუნებლად ბოლო იმედი რჩებოდა - თურქული ბარიერი უნდა გადაელახათ.
ჩვენმა სამხრეთელმა მეზობლებმა C ჯგუფში ერთი შეხვედრა კი მოიგეს (რუმინეთთან), მაგრამ ბოლო ადგილს მაინც ვერ
ამ წაგებით საქართველოს ქალთა ნაკრები ლუქსემბურგის გუნდთან დამარცხებულ (0:2) ბოსნიელებთან ერთად ევროაფრიკულ მეორე ზონას დაუბრუნდა.
მსოფლიოს მე-2 ჯგუფში აღსაზევებლად ნახევარფინალში პოლონელებმა ხორვატები დაამარცხეს - 2:1 (პოლონელებს წარმატება დებმა - აგნიეშკა და ურსულა რადვანსკებმა მოუტანეს), ხოლო ბრიტანელებმა ბულგარელებს 2:0 აჯობეს.
ხორვატიამ, ბულგარეთმა, ბელორუსმა, ისრაელმა, უნგრეთმა, ჰოლანდიამ, ავსტრიამ, პორტუგალიამ, რუმინეთმა, სლოვენიამ, თურქეთმა და ლუქსემბურგმა პირველ ლიგაში ადგილი შეინარჩუნეს.
ყოველდღიური სპორტული გაზეთი "ლელო"
