პარიზში საფრანგეთის ღია პირველობაზე 31 მაისს წყვილთა პაექრობაში ცდიდა ძალებს თბილისელი ანა ტატიშვილი. მე-2 წრეში იგი ბელარუს ოლგა გოვორცოვასთან ერთად მესამე ნომრად განთესილ ნადია პეროვას (რუსეთი) და კატარინა სრებოტნიკის (სლოვენია) დუეტთან 75 წუთში დამარცხდა - 5:7, 1:6 და შეჯიბრებას გამოეთიშა.
* * *
მოსკოვში ჩოგბურთელ ქალთა საერთაშორისო ტურნირზე (საპრიზო ფონდი 25.000 დოლარი) მე-6 ნომრად განთესილმა სოფიო შაფათავამ სტარტზე გამარჯვების შემდეგ მეორე წრეში რუს მარგარიტ ლაზარევას აჯობა - 6:2, 6:1, მეოთხედფინალში კი მის თანამემამულე მარინა მელნიკოვას დანებდა - 1:6, 5:7.
ფინალში
ფინალისტები გამოვლინდნენ წყვილთა პაექრობაში. სოფიო შაფათავამ, რომელიც ბელარუს ილონ კრემენთან შეამხანაგებული, მეორე ნომრად იყო განთესილი, გადამწყვეტ რაუნდს ვერ უწია: პირველ წრეში შახლა საიდოვსა (რუსეთი) და ანა შკუდუნს აჯობა - 6:4, 6:3, მეოთხედფინალში კი დაძაბული პაექრობის შემდეგ მოსკოველ ნათელა ძალამიძისა და გერმანელ ანა ზაჯაას დუეტთან დამარცხდა - 6:7, 7:6, 4:10.
მთავარი პრიზისთვის იბრძოლებენ: კსენია კირილოვა, პოლინა მონოვა (ორივე - რუსეთი) - ევგენია პაშკოვა (რუსეთი), ანასტასია ვასილიევა (უკრაინა).
ყოველდღიური სპორტული გაზეთი "ლელო"
