ამერიკის ღია პირველობის განთესილები ცნობილია

"დიდი სლემის" რიგით მეოთხე ტურნირის - ამერიკის ღია პირველობის ორგანიზატორებმა მამაკაცთა ტურნირზე განთესილების სია გამოაქვეყნეს.

განთესვის პირველი ნომერი მიიღო კლასიფიკაციის ლიდერმა ნოვაკ ჯოკოვიჩმა, მეორე - ესპანელმა რაფაელ ნადალმა. შესაბამისად, ეს ჩოგბურთელები ფინალამდე არ შეხვდებიან ერთმანეთს.

შემდეგ მოდიან: ენდი მარეი (3), დავიდ ფერერი (4), ტომაშ ბერდიხი (5), ხუან მარტინ დელ პოტრო (6)...

მეშვიდე ნომრად არის განთესილი შვეიცარიელი როჯერ ფედერერი, რომელიც შარშანდელ ტურნირზე პირველი ნომერი იყო.

ეს არის ლეგენდარული ჩოგბურთელისთვის ყველაზე დაბალი განთესვა 2002 წლის შემდეგ. ისე კი, ფედერერი ზედიზედ მეცამეტედ მოხვდა აშშ-ის ღიას განთესილთა შორის, რაც პიტ სამპრასის შედეგის გამეორებაა. ამ მაჩვენებლით ლიდერები არიან ჯიმი კონორსი (ზედიზედ 18 წელი, 1972-89) და ივან ლენდლი (14, 1980-93).

განთესილებში მხოლოდ ორი ამერიკელი ჩოგბურთელი შედის: ჯონ ისნერი (13) და სემ კუერი (26).

სრული სია
1. ნოვაკ ჯოკოვიჩი (სერბეთი)
2. რაფაელ ნადალი (ესპანეთი)
3. ენდი მარეი (ბრიტანეთი)
4. დავიდ ფერერი (ესპანეთი)
5. ტომაშ ბერდიხი (ჩეხეთი)
6. ხუან მარტინ დელ პოტრო (არგენტინა)
7. როჯერ ფედერერი (შვეიცარია)
8. რიშარ გასკე (საფრანგეთი)
9. სტანისლას ვავრინკა (შვეიცარია)
10. მილოშ რაონიჩი (კანადა)
11. კეი ნიშიკორი (იაპონია)
12. ტომი ჰაასი (გერმანია)
13. ჯონ ისნერი (აშშ)
14. იერჟი იანოვიჩი (პოლონეთი)
15. ნიკოლას ალმაგრო (ესპანეთი)
16. ფაბიო ფონინი (იტალია)
17. კევინ ანდერსონი (ს. აფრიკა)
18. იანკო ტიპსარევიჩი (სერბეთი)
19. ტომი რობრედო (ესპანეთი)
20. ანდრეას სეპი (იტალია)
21. მიხაილ იუჟნი (რუსეთი)
22. ფილიპ კოლშრაიბერი (გერმანია)
23. ფელისიანო ლოპესი (ესპანეთი)
24. ბენუა პერი (საფრანგეთი)
25. გრიგორ დიმიტროვი (ბულგარეთი)
26. სემ კუერი (აშშ)
27. ფერნანდო ვერდასკო (ესპანეთი)
28. ხუან მონაკო (არგენტინა)
29. იურგენ მელცერი (ავსტრია)
30. ერნესტ გულბისი (ლატვია)
31. ჟულიან ბენეტო (საფრანგეთი)
32. დმიტრი ტურსუნოვი (რუსეთი)

ყოველდღიური სპორტული გაზეთი "ლელო"