მსოფლიოს მესამე ჩოგანმა, ესპანელმა რაფაელ ნადალმა გაკვირვება გამოთქვა იმის გამო, რომ 2016 წელს, რიო-დე-ჟანეიროს ოლიმპიადის საჩოგბურთო ტურნირი არა გრუნტის, არამედ, ჰარდის კორტებზე ჩაივლის.ჩოგბურთის საერთაშორისო ფედერაციამ საფარის არჩევანი იმით ახსნა, რომ ოლიმპიური ტურნირი 6-15 აგვისტოს გაიმართება - აშშ-ის ღია პირველობის დაწყებამდე ორი კვირით ადრე.
"გაკვირვებული ვარ იმის გამო, რომ ქვეყანაში, სადაც ჩოგბურთელები უმეტეს წილად გრუნტზე თამაშობდენ, ოლიმპიური თამაშები ჰარდზე გაიმართება", - განაცხადა ნადალმა რიო-დე-ჟანეიროში მოწყობილ პრესკონფერენციაზე.
ნადალი ბრაზილიაში ATP-ის ტურნირში მონაწილეობისთვის ჩავიდა. აქ მან შარშან მოპოვებული ტიტული უნდა დაიცვას.
ყოველდღიური
![ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]](/pictures/image7/c8dbe304afdc0b72875cb71e962bee11.jpg "ნადალი: \"რეალის\" ფანი ვარ, მაგრამ მესი რონალდოზე უკეთესია [VIDEO]")
