ავსტრალიელი ჩოგბურთელი ბერნარდ ტომიჩი მაიამიში ერთ-ერთ სასტუმროში დააპატიმრეს. მიზეზი ხმამაღალი მუსიკა გახდა.სასტუმროს თანამშრომლებმა სტუმრებისგან საჩივარი მიიღეს იმ ნომრიდან ხმამაღალი მუსიკის გამო, რომელშიც ჩოგბურთელი გაჩერდა. თავდაპირველად, ტომიჩმა ყურადღება არ მიაქცია მეზობლებისა და ადმინისტრაციის თხოვნას, შემდეგ კი ემუქრებოდა დაცვის სამსახურის წარმომადგენლებს თხოვნაზე - დაეტოვებინა ნომერი. საბოლოოდ, ადგილზე პოლიცია გამოცხადდა და 22 წლის სპორტსმენი დააპატიმრა.
მოგვიანებით, ავსტრალიელი 2 ათასი დოლარის გადახდის შემდეგ თავდებით გაანთავისუფლეს.
ცოტა ხნით ადრე, ტომიჩი კიდევ ერთ სკანდალში გაეხვა, როცა დევისის თასის გუნდიდან გააძევეს ავსტრალიის ჩოგბურთის ფედერაციასთან კონფლიქტის გამო.
ყოველდღიური სპორტული გაზეთი "ლელო"
