თბილისელი ჩოგბურთელი ნიკოლოზ ბასილაშვილი (116) წარმატებით განაგრძობს ასპარეზობას ჰოლანდიის ქალაქ შვენინგენის საერთაშორისო ტურნირში (საპრიზო ფონდი 42.500 ევრო). საქართველოს პირველმა ჩოგანმა ტურნირის 1/4-ფინალში 24 ივლისს გამართულ მატჩში მსოფლიო რეიტინგით 178-ე ადგილზე მყოფი სლოვაკი ანდრეჟ მარტინი დაამარცხა 6:1, 1:6, 6:3.
23 წლის ბასილაშვილი ფინალის საგზურისთვის 26 წლის მასპინძელი ტიემო დე ბაკერს (40) დაუპირისპირდება.
