ესპანელი არქიტექტორი ხოსე კონეხერო პოლიციამ დააპატიმრა ოთხი ბანკის გაძარცვის გამო. საერთო ჯამში, კონეხერომ 330 ათასი ევრო გაიტაცა.პოლიცია დამნაშავეზე ხუთი წელი ნადირობდა. ამ დროის განმავლობაში, ტყუპი დების - ალბა და ლაიას მამამ ოთხი ძარცვა მოაწყო, - წერს გამოცემა El Mundo. ყოველ ჯერზე, ის ბანკში იარაღით შედიოდა და მისი გამოყენების მუქარით სძალავდა ფულს მოლარეებს.
საბოლოოდ, არქიტექტორი საკუთარმა მოტოციკლმა - Ducati Monster-მა "გაყიდა", რომელიც ვიდეოსათვალთვალო კამერის ობიექტივში მოხვ
როგორც ჟურნალისტები იტყობინებიან, კონეხეროს ოცნება ჰქონდა - საკუთარი ქალიშვილები პროფესიონალი ჩოგბურთელები გამხდარიყვნენ. ტარაგონელი არქიტექტორი ნაძარცვ ფულს საკუთარ ნაკვეთში კორტის მშენებლობას, გოგონების საჩოგბურთო აკადემიაში სწავლასა და მათი ITF-ის ტურნირებში მონაწილეობას ახმარდა.
ალბა კონეხერომ ITF-ის დონეზე სამი ტურნირის მოგება შეძლო, მის დას კი ერთეულთა თანრიგში არც ერთი მატჩი არ მოუგია.
ყოველდღიური სპორტული გაზეთი "ლელო"
