დღეს, 18 იანვარს, საუკეთესო ქართველი ჩოგბურთელი ნიკოლოზ ბასილაშვილი ავსტრალიის ღია პირველობის პირველ წრეში ATP-ის რეიტინგში მესამე ადგილზე მყოფ შვეიცარიელ როჯერ ფედერერთან დამარცხდა.შეხვედრასთან დაკავშირებით კომენტარი ქართველმა სოციალურ ქსელ "ფეისბუქში" გააკეთა.
"როჯერ ფედერერი ჩემთვის ბავშვობიდან სპორტსმენის მაგალითი იყო. ჩემთვის დღეს მასთან თამაში ცენტრალურ კორტზე ადვილი არ იყო.
ჩვენ პირველად შევხვდით ერთმანეთს. რა თქმა უნდა, ნერვიულობამ და დაძაბულობამ თავისი გააკეთა.
ძალიან დასანანია ის, რომ მე ჩემი თამაშის მაქსიმუმი ვერ ვაჩვენე, მაგრამ გამოცდილება მივიღე. რა თქმა უნდა,
ყველას მადლობა მინდა გადაგიხადოთ გვერდში დგომისა და გულშემატკივრობისთვის", - წერს ბასილაშვილი.
23 წლის ბასილაშვილი ATP-ის რეიტინგში 117-ე საფეხურზე იმყოფება.
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
