საქართველოს ჩოგბურთელ ქალთა ნაკრები (სოფიო შაფათავა, ეკატერინე გორგოძე, სოფიო ქვაცაბაია, ოქსანა კალაშნიკოვა, კაპიტანი მარგალიტა ჩახნაშვილი-რანცინგერი) ამჟამად ეილათში (ისრაელი) იმყოფება და ფედერაციის თასზე ევროაფრიკული პირველი ზონის შეჯიბრებაში ჩაებმება. იქ 14 ქვეყნის წარმომადგენლები შეიკრიბნენ, რომლებიც წილისყრით ოთხ ჯგუფში გადანაწილდნენ.
3 თებერვალს ჩვენი გუნდი B ჯგუფში სამხრეთ აფრიკას (ჩანელ სიმონდსი, ილზე ჰატინგი, მადრი ლე რუ, მიშელ სამონსი) დაუპირისპირდება, 4 თებერვალს დიდი ბრიტანეთი და სამხრეთი აფრიკა ითამაშებენ, ხოლო 5 თებერვალს ქართველები და ბრიტანელები (ჰიზერ უოტსონი, ენ სმიტი, ჯოსელინ რაე) გაარკვევენ ერთმანეთთან ურთიერთობას.
დანარჩენ ჯგუფებში
A ჯგუფი. შვედეთი, პორტუგალია, უკრაინა
C ჯგუფი. ხორვატია, ესტონეთი, ისრაელი, თურქეთი
D ჯგუფი. უნგრეთი, ბელგია, ბულგარეთი, ლატვია
ტურნირის რეგლამენტით, ფედერაციის თასის მსოფლიო ჯგუფის პლეი ოფის საგზურისთვის A ჯგუფის გამარჯვებული C ჯგუფის საუკეთესოს შეხვდება, B და D ჯგუფების პირველადგილოსნები კი ერთმანეთს გაუწევენ მეტოქეობას.
ჯგუფებში ბოლო ადგილებზე გასული გუნდები პირველ ზონაში დასარჩენად იბრძოლებენ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
