თბილისელი გიორგი ცივაძე ბაქოში ჩოგბურთელ ვაჟთა საერთაშორისო ტურნირში (საპრიზო ფონდი 10.000 დოლარი) ჩაება. ერთეულებში მან სასტარტო შეხვედრა ტიმურ ხაბიბულინს (ყაზახეთი) მოუგო - 6:4, 6:3, მერვედფინალში კი იტალიელ ფილიპო ბალდისთან დამარცხდა - 5:7, 2:6.წყვილებში ცივაძემ ფიოდორ ჩერვიაკოვთან (რუსეთი) ერთად ასპარეზობის რეიტინგფავორიტებთან - მარკოს კალოველონისსა და ანტონ ზაიცევთან (ორივე - რუსეთი) პირველსავე წრეში წააგო - 6:7, 1:6 და შეჯიბრებას გამოეთიშა.
სავარაუდოდ, ცივაძე ბაქოში დარჩება და ორშაბათიდან ახალ 10.000-იან საერთაშორისო ტურნირში მოსინჯავს ძალებს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
