სან პაულუში (ბრაზილია), ჩოგბურთელ ქალთა საერთაშორისო ტურნირში (საპრიზო ფონდი 25.000 დოლარი) სამი ქართველი ჩაება. ორი მათგანი ერთეულთა შეჯიბრებას გამოეთიშა. საკვალიფიკაციო ეტაპის პირველ წრეში ეკატერინე გორგოძემ არგენტინელ ვიქტორია ბოსიოს აჯობა - 6:1, 6:4, გუშინ კი უკრაინელ სოფია კოვალეცთან დამარცხდა - 3:6, 1:6. სოფიო ქვაცაბაია ძირითად ბადეში ითამაშებს, რადგან მან საკვალიფიკაციო ეტაპზე ორ მეტოქეს სძლია: რუმინელ დაიანა ნეგრეანუს პირველ ხელში 6:1 აჯობა, მეორეში 2:1 რომ დაწინაურდა, კარპატელმა ტრავმის გამო ორთაბრძოლის გაგრძელება ვერ შეძლო. მომდევნო წრეში სოფიომ ჩილელი ფერნანდა ბრიტო ჩამოიშორა გზიდან -
ძირითად ბადეში სოფიო შაფათავამ სტარტზევე მე-6 ნომრად განთესილ მირთი ჟორჟესთან (საფრანგეთი) წააგო - 6:7, 2:6.
წყვილებში იგი გორგოძესთან ერთად ასპარეზობის რეტინგფავორიტია და პირველ წრეში თურქებს - აილა აქშუსა და მელის სეზერს დაუპირისპირდება.
ყოველდღიური სპორტული გაზეთი "ლელო"
