27 ივნისს იტალიის დედაქალაქში დაიწყო ჩოგბურთელ ქალთა საერთაშორისო ტურნირი (საპრიზო ფონდი 50.000 დოლარი), რომელშიც თბილისელი სოფიო შაფათავაც მონაწილეობს. ქართველმა ჩოგბურთელმა სტარტზე ორი გამარჯვება მოიპოვა: ერთეულებში სოფიომ ხორვატი ტენა ლუკაში დაამარცხა - 6:3, 6:3 და მერვედფინალში ასპარეზობის რეიტინგფავორიტ სილვია სოლერ-ესპინოზას გაუწევს მეტოქეობას. ამ უკანასკნელმა ვიქტორია როდრიგესი (მექსიკა) ჩამოიშორა გზიდან - 6:3, 7:6.
წყვილებში შაფათავა უნგრელ რეკა-ლუკა იანისთან არის შეამხანაგებული. პირველ წრეში ქართულ-უნგრულმა დუეტმა მასპინძლებს - მარტინა ბიაჯიანტისა და კიარა კატინის სძლია - 6:3, 6:0. მეოთხედფინალში მეორე ნომრად განთესილი შაფათავა და იანი
* * *
პოლონეთში ქალთა 25.000-იანი ტურნირის ძირითად ბადეში ჩაებმებიან ეკატერინე გორგოძე და სოფიო ქვაცაბაია, რომლებიც პირველ წრეში, შესაბამისად, ბარბორა მიკლოვას (ჩეხეთი) და დარია ჩერნეცოვას (ბელორუსი) შეხვდებიან.(იბეჭდება მცირე ცვლილებით)
ყოველდღიური სპორტული გაზეთი "ლელო"
