ტელეკომპანია BBC-მ ტრადიციული გამოკითხვა ჩაატარა და გამოავლინა გამარჯვებული მთავარ ნომინაციაში - წლის სპორტული პიროვნება. ყველაზე მეტი ხმა დააგროვა მსოფლიოს პირველმა ჩოგანმა ენდი მარეიმ. სწორედ ის გახდა BBC-ის ვერსიით ბრიტანეთის საუკეთესო სპორტსმენი.შოტლანდიელის შედეგი აღმოჩნდა - 247 ათასი ქულა. ეს ორჯერ მეტია მისი უახლოესი კონკურენტის, ტრიატლონისტ ალისტერ ბროუნლის მონაგარზე. მესამე ადგილი დაიკავა ცხენოსანმა ნიკ სკელტონმა. 58 წლის ჟოკეიმ რიო-დე-ჟანეიროს ოლიმპიადაზე ოქროს მედალი მოიპოვა კონკურში. ეს იყო სკელტონის კარიერაში ზაფხულის მეშვიდე თამაშები.
ენდი მარეი პირველი სპორტსმენია ისტორიაში, ვინც მესამედ მოიგო BBC-ის პრემია.
BBC-ის გამოკითხვაში მეცხრე ადგილი დაიკავა "ლესტერის" ფეხბურთელმა ჯეიმი ვარდიმ, ხოლო "რეალის" ვარსკვლავი გარეტ ბეილი მე-12 ადგილზე გავიდა.
ყოველდღიური სპორტული გაზეთი "ლელო"
