ხუთგზის ოლიმპიურმა ჩემპიონმა, ლეგენდარულმა ავსტრალიელმა მოცურავემ იან ტორპმა ვერ შეძლო ლონდონის ოლიმპიური თამაშების საგზურის მოპოვება 200 მეტრზე თავისუფალი სტილით ცურვაში. ავსტრალიის ჩემპიონატში, რომელიც მომავალი ოლიმპიადის შესარჩევი ტურნირი გახლავთ, ტორპმა ჩააგდო ნახევარფინალური ეტაპი. "ტორპედომ" ნახევარფინალის ყველა მონაწილეს შორის მე-12 ადგილი დაიკავა და ფინალში ვერ მოხვდა, - წერს ავსტრალიის ცურვის ეროვნული ფედერაცია.
ტორპის დრო იყო - წუთი და 48,91 წამი. ეს 2.4 წამით უარესი რაიან ნაპოლეონის შედეგზე, რომელმაც ნახევარფინალური გაცურვებისას საუკეთესო დრო დააფიქსირა.
იანმა იმედგაცრუება გამოთქვა თავისი შედეგის გამო, რომელიც ხუთი წამით
ტორპს კიდევ რჩება ლონდონის ოლიმპიადაზე მოხვედრის შანსი. კვირას ის მონაწილეობას მიიღებს 100 მეტრზე თავისუფალი სტილით ცურვაში და შეეცდება ფინალში გასვლას. თუმცა ხუთგზის ოლიმპიურ ჩემპიონის ფორმის გათვალისწინებით, ტორპს წარმატების მინიმალური შანსი აქვს. ასევე ნაკლებია იმის ალბათობა, რომ "ტორპედო" ესტაფეტების ნაკრებში შეიყვანონ.
ყოველდღიური სპორტული გაზეთი "ლელო"
