მორიგ სერიოზულ სკანდალში გაეხვა რუსული სპორტი. ქვეყნის საუკეთესო მოცურავის, იულია ეფიმოვას დოპინ-სინჯმა დადებითი შედეგი აჩვენა.რუსული პრესის ინფორმაციით, სინჯი არასატურნირო პერიოდში აიღეს, როცა ეფიმოვა ნოემბრისა და დეკემბრის ტურნირებისთვის ემზადებოდა.
აღმოჩენილი აკრძალული პრეპარატია - დეჰიდროეპიანდროსტერონი (DHEA) და მას შეიცავდა ერთ-ერთი აქტიური ბიოლოგიური დანამატი. DHEA - პოპულარული დოპინგის ტესტოსტერონის მეტაბოლიტია.
ეფიმოვამ უკვე დაწერა ახსნაგანმარტებითი ბარათი, სადაც აღიარა იმ საკვები დანამატის მიღება, რომელიც შეიცავდა აკრძალულ სუბსტანციას. ჯერჯერობით არ შემოწმებულა B სინჯი, მაგრამ ექსპერტებს მიაჩნიათ, რომ ეფიმოვა დისკვალიფიკაციას ვერ გადაურჩება. ასეთი დარღვევისთვის სტანდარტული დანაშაულია
2013 წელი ძალიან წარმატებული იყო ეფიმოვასთვის. ის უნივერსიადის ოთხგზის გამარჯვებული გახდა; ორი ოქრო, თითო ვერცხლი და ბრინჯაო მიიღო მსოფლიოს ჩემპიონატზე და ოთხი ოქრო და ერთი ვერცხლი მოიპოვა ევროპის ჩემპიონატზე, რომელიც დანიაში გაიმართა.
ყოველდღიური სპორტული გაზეთი "ლელო"
