დადასტურდა პრობლემები, რომლებიც ლეგენდარულ ავსტრალიელ მოცურავეს, ხუთგზის ოლიმპიურ ჩემპიონს იან ტორპს აქვს. ყოფილი სპორტსმენი ქალაქ სიდნეის პოლიციამ დააკავა, - ამის შესახებ იტყობინება სააგენტო "როიტერი".3 თებერვალს, ღამით მოცურავის მეზობლებმა პოლიცია გამოიძახეს, რადგან ტორპი მათ კუთვნილ ავტომობილში ძვრებოდა. სპორტსმენს პოლიციის გამოჩენაზე არანაირი რეაგირება არ ჰქონია. "როიტერი" აღნიშნავს, რომ ტორპი "დეზორიენტირებული" იყო.
ტორპის მენეჯერმა ჯეიმს ერსკინმა მომხდარი იმით ახსნა, რომ მოცურავე პრეპარატებისა და ანტიდეპრესანტების დიდი დოზის ზემოქმედების ქვეშ იყო. მანვე დააზუსტა, რომ იანს წამლებთან ერთად ალკოჰოლი არ მიუღია.
როგორც ირკვევა, დაკავების შემდეგ
გავრცელდა ცნობა, რომ იანვრის ბოლოს ავსტრალიელმა ალკოჰოლის დამოკიდებულებასა და დეპრესიაზე მკურნალობა დაიწყო, თუმცა მოცურავის წარმომადგენლებმა უარყვეს ეს ინფორმაცია.
ყოველდღიური სპორტული გაზეთი "ლელო"
