ცურვაში მსოფლიოს ჩემპიონატის მეორე დღეს რამდენიმე გმირი ჰყავდა, თუმცა, პირველ რიგში, უნდა გამოვყოთ უნგრელი კატინკა ჰოსუ, რომელმაც 200 მეტრზე კომპლექსურ ცურვაში ექვსი წლის წინანდელი რეკორდი გააუმჯობესა. უნგრელმა დისტანცია 2 წუთსა და 6.12 წამში დაფარა და წინა რეკორდს 0.03 წამი ჩამოაკლო. ეს შედეგი მით უფრო დასაფასებელია იმის გათვალისწინებით, რომ 2009 წელს, ამერიკელმა არიანა კუკორსმა რეკორდი ულტრათანამედროვე საცურაო კოსტიუმით დაამყარა, რომელიც შემდეგ აკრძალეს.აღვნიშნავთ იმასაც, რომ ჰოსუსთვის ეს არის 200 მეტრზე კომპლექსურ ცურვაში ზედიზედ მეორე ოქრო მსოფლიოს ჩემპიონატებზე.
* * *
როგორც
* * *
ამ ჩემპიონატზე ყველაზე მეტ გამარჯვებასა და მსოფლიოს რეკორდს ამერიკელ კეტი ლედეცკის უწინასწარმეტყველებდნენ. და ის უკვე ამართლებს გაცემულ ავანსებს. ამერიკელმა უკვე მოიგო 400 მეტრზე თავისუფალი სტილით ცურვაში ოქროს მედალი, მეორე დღეს კი 1500 მეტრის კვალიფიკაციაში მსოფლიოს რეკორდი დაამყარა. კეტის დროა - 15.27,71, რაც 0.65 წამით აღემატება მისსავე რეკორდს, რომელიც ზუსტად ერთი წლის იყო დამყარებული.
ლედეცკის ეს შედეგი თითქმის უტოლდება მაღალი დონის მამაკაცი მოცურავეების შედეგებს. და, როგორც ჩანს, 18 წლის ამერიკელი გააგრძელებს ყაზანში რეკორდებზე იერიშებს.
კაცები
100 მ. ბრასი. 1. ადამ პიტი (ბრიტ) - 58,52; 2. კემერონ ვან დერ ბურგი (ს. აფრ) - 58,59; 3. როს მერდოკი (ბრიტ) - 59,09...
50 მ. ბატერფლაი. 1. ფლორან მანოდუ (საფ) - 22,97; 2. ნიკოლას სანტოსი (ბრა) - 23,09; 3. ლასლო ჩეხი (უნგ) - 23,15...
ქალები
200 მ. კომპლექსური. 1. კატინკა ჰოსუ (უნგ) - 2.06,12; 2. კანაკო ვატანაბე (იაპ) - 2.08,45; 3. შივან მარიე ო’კონორი (ბრიტ) - 2.08,77...
100 მ. ბატერფლაი. 1. სარა სიოსტრიომი (შვედ) - 55,64; 2. ჟანეტ ოტესენი (დან) - 57,05; 3. ლიუ ინი (ჩინ) - 57,48...
ყოველდღიური სპორტული გაზეთი "ლელო"
