16 ივნისს ზაგრებში (ხორვატია) დაიწყო მოფარიკავეთა ევროპის ჩემპიონატი, რომელშიც ქართველთაგან მხოლოდ მოხმალავე ვაჟები იასპარეზებენ. მთავარი მწვრთნელის - მერაბ ბაზაძის ხელმძღვანელობით, 17 ივნისს, გამთენიისას, ევროპისკენ აიღო გეზი საქართველოს ნაკრებმა.
ჩვენი ქვეყნის სპორტულ ღირსებას დაიცავენ ახალგაზრდებში 2013 წლის ევროპის ჩემპიონი სანდრო ბაზაძე, 23-წლამდელებში შარშანდელი ევროპის ბრინჯაოსპრიზიორი ბექა ბაზაძე და კადეტებში 2010 წლის მსოფლიოს პირველობის მესამეადგილოსანი მიხეილ მარდალეიშვილი.
19 ივნისს ქართველი მუშკეტერები ინდივიდუალურ პირველობაში მოსინჯავენ ძალებს, 21-ში კი გუნდური მედლებისთვის იბრძოლებენ.
"ბიჭები კარგად არიან მომზადებულნი, თუმცა, ვფიქრობ, ჩვენს ახალგაზრდებს გამოცდილ მეტოქეებთან გამკლავება გაუჭირდებათ.
მეტოქეებთან 3 სპორტსმენით გამკლავება გადავწყვიტეთ, რადგან 5 აგვისტოს უნგრეთში მსოფლიოს ჩემპიონატი დაიწყება.
იქ კი ოთხკაციანი გუნდით გავემგზავრებით. იმ შეჯიბრებისთვის უკეთ მოსამზადებლად პოლონელებს მოველაპარაკეთ ასპარეზობამდე ვარშავაში ერთკვირიანი ერთობლივი საწვრთნელი შეკრების ჩატარებაზე. ამიტომ ამჯერად თანხები დავზოგეთ", - გითხრა ზაგრებში გამგზავრების წინ მერაბ ბაზაძემ.
ყოველდღიური სპორტული გაზეთი "ლელო"
![სირცხვილია - ბაზაძე ამერთან წაგების შემდეგ მსაჯების საკამათო გადაწყვეტილებას აპროტესტებდა [VIDEO]](/pictures/image7/895ccb029afbfeddec2a462a323982ff.jpg "სირცხვილია - ბაზაძე ამერთან წაგების შემდეგ მსაჯების საკამათო გადაწყვეტილებას აპროტესტებდა [VIDEO]")
