საქართველოს ოკინავური გოჯუ რიუ კარატეს ეროვნული ნაკრების ხუთი სპორტსმენი სამი ოქროს და ამდენივე ვერცხლის მედლით დაბრუნდა უკრაინაში ჩატარებული ევროპის ჩემპიონატიდან. იაპონელმა დიდოსტატმა, მე-9 დანის მფლობელმა ტერუო ჩინენმა ჩვენი ფედერაციის პრეზიდენტი ლევან როგავა სპეციალური პრიზით დააჯილდოვა, ევროპაში გოჯუ რიუს განვითარებაში შეტანილი წვლილისათვის.
ევროპის ჩემპიონატის ორგანიზატორებთან მიღწეული შეთანხმებით, გაისად, 27-28 ივლისს, თბილისში საერთაშორისო ტურნირი ჩატარდება ევროპის ქვეყნების მონაწილეობით.
ნუგზარ ჭიაბერაშვილი
ყოველდღიური სპორტული გაზეთი "ლელო"
